Museo
buscar



EXPOSICIÓNS / ACTUAL

VESTIR ÉPOCAS 1860-1960<br>A Colección González-Moro<br>no Museo de Belas Artes da Coruña VESTIR ÉPOCAS 1860-1960
A Colección González-Moro
no Museo de Belas Artes da Coruña



VESTIR ÉPOCAS
1860-1960
A Colección González-Moro
no Museo de Belas Artes da Coruña

*Prorrogada ata o 4 de abril de 2021


O Museo de Belas Artes da Coruña presenta a súa primeira exposición de moda, Vestir Épocas, 1860-1960. A Colección González-Moro, coa que pon en relevo o valor da costura dentro da arte.

A través dela, amósase unha importante selección de obxectos e prendas de vestir, pertencentes na súa totalidade á colección de moda e indumentaria de Ana González-Moro, dama coruñesa que ao longo da súa vida recopilou vestidos, traxes e complementos de máis de cen anos de creación e que ata agora nunca foron expostos no seu conxunto. Trátase de máis de trescentas pezas procedentes de herdanzas familiares, doacións e regalos do seu círculo de amizades, que aparecen vinculadas ás formas e gusto de vestir en Galicia nas distintas épocas que abarca o legado.

O espectador terá ocasión de adentrarse nos usos e costumes que transitaron desde mediados do século XIX ata mediados do século XX, a través dun recorrido que se extende por toda as salas do museo en diálogo coas obras da colección permanente, atendendo a súa iconografía, época e uso.

A exposición, organizada polo Museo de Belas Artes da Coruña baixo o patrocinio da Consellería de Cultura, Educación e Universidade, está comisariada polo arquitecto Fernando Agrasar Quiroga e o especialista en moda Román Padín Otero e poderá visitarse desde o 28 de outubro de 2020 ata o 14 de marzo de 2021.

As vestimentas son pezas de gran beleza, prodixio técnico, singularidade museográfica e relevancia histórica, confeccionadas e pertencentes, na súa meirande parte, á vida en Galicia. Así, reflicten a moda urbana, local e cosmopolita, artesana e, a súa vez, industrializada dun mundo moderno en continuo movemento. A historia galega eleva a súa importancia desde a perspectiva do traxe e dirixe a mirada hacia unha manifestación cultural; un arte que define a nosa contemporaneidade: a moda, entendida desde o seu valor social.

O percorrido, que vai desde mediados de 1860 ata mediados de 1960, amosa a alborada da confección en serie e o traballo esencial das modistas, dos sastres e dos familiares que cosía, tecían e reparaban as vestimentas. Son obxectos e roupas que seguen a moda das épocas nas que se crearon e incorporan particularidades dos que as levaban. Son herdanzas e memoria.

Da totalidade das pezas, soamente unhas poucas foron expostas con anterioridade na exposición Con-Fío no Museo Centro Gaiás da Cidade da Cultura de Galicia en Santiago de Compostela, e dúas na mostra Sorolla y la moda do Museo Nacional Thyssen-Bornemisza en Madrid. Con todo, a colección completa da familia González-Moro preséntase agora por primeira vez para ensalzar o seu valor de patrimonio colectivo e xerar, en cada unha das salas do museo, unha gran “conversa” entre as artes.

 

Seccións

Vestir Épocas, 1860-1960. A Colección González-Moro amosa unha importante colección de moda no seu valor artístico e social, e é a testemuña dun período de tempo vinculado á modernidade en Galicia. Está dividida en nove sección. A primeira é a chamada Wonderkammer ou Cámara das maravillas, na que preséntase unha miscelánea de pezas, desde pedrería ata complementos, que facilitan a comprensión de todo o que ven a continuación.

En primeiro lugar, nos encontramos coa sección Corpo e silueta, na que unha amplia colección de roupa interior, tanto de home como de muller, ábrese ante o espectador acompañada dun vídeo creado por Jesús Madriñán e Manu Seoane. Continuando o percorrido e, en relación coas pinturas relixiosas, preséntase Corpos celestiais, onde podemos ver, entre outros, os traxes de bautismo e comunións. Máis adiante nos atopamos con Donas de branco e cabaleiros de negro na que destacan os vestidos de noiva e os traxes de etiqueta para cabaleiros,  e, do mesmo xeito, complementa o espacio á carón dos retratos a sección Pequenas principalidades, que mostra sombreiros e outros complementos. A ropa dedicada ao loito e os uniformes ten a súa sección en Loito e uniformes. Rigor no vestir e, pola súa banda, as capas de viaxe e os traxes de paseo visten as obras de paisaxes en Roupa de visita e viaxe. Finalmente, na sala dedicada ao século XX podemos ver Flâneries e Folies, roupa de día e roupa de noite, coa que se crea un espazo tan colorista, cambiante e intenso como a arte deste século, para terminar coa sección Roupa de servicio, en diálogo coa sala de Sargadelos.

 

Actividades complementarias

O Museo de Belas Artes da Coruña programa, ademáis, toda unha serie de actividades en torno á exposición: visitas guiadas e conferencias, dirixidas ao público e atendendo tamén ás litimiacións do aforo contempladas pola situación da Covid-19.


VISITA VIRTUAL

O Museo de Belas Artes da Coruña achega a mosta ao público mediante esta visita virtual na que descubrir  os contidos da exposición percorriendo cada sección polas salas do museo.

Acompáñase de videos explicativos dos comisarios así como doutros de carácter máis didácticos, ademais de ventanas de informacións sobre os usos e costumes da época en canto á moda e ás vestimentas que forman parte da colección. Incorpórase unha actividade didáctica a modo de trivial para amenizar a aprendizaxe dos contidos, dirixida a todos os públicos.

Desexamos que desfrutedes da visita!


Enlace á visita virtual:

http://vestirepocas.belasartesnacasa.es/ 


ACHÉGATE

Reapertura do Museo desde o 21 de maio de 2020

Prórroga da exposición de Seoane hasta o 20 de setembro de 2020.

INFORMACIÓN

Museo de Belas Artes da Coruña

Rua Zalaeta s/n 15002 A Coruña Tlf: 881 881700 Fax: 881 881701

contacto

Rua Zalaeta s/n 15002 A Coruña
Tlf: 881 881 700 Fax: 881 881 701
mu.belas.artes.coruna@xunta.es
© Copyright 2008-2009. Museo de Belas Artes da Coruña. Reservados todos los derechos.