Museo
buscar



O MUSEO / INFORMACIÓN / NOTICIAS

14/11/2018

Celebración do Día do Patrimonio Mundial
16 de novembro de 2018


Celebración do Día do Patrimonio Mundial
16 de novembro de 2018


Bibliotecas, Arquivos e Museos de Galicia reunímonos para celebrar, o 16 de novembro, o Día do Patrimonio Mundial cunha oferta conxunta de contidos e actividades que poñen en valor o patrimonio cultural e colectivo de Galicia. A tal fin, o Consello da Cultura Galega reúne para a súa difusión na rede as actividades que van realizar todas as entidades asociadas á iniciativa do Día do Patrimonio 2018.

O Museo de Belas Artes da Coruña participa nesta celebración cunha xornada de portas abertas para que os visitantes podan acceder libremente ao patrimonio artístico e cultural que alberga o museo. Así mesmo pódese acceder aos contidos da colección no sitio web do museo e tamén no portal da Red Digital de Colecciones de Museos de España.


Este ano queremos destacar unha peza do museo en representación dunha significativa colección de moedas emitidas pola Real Casa da Moeda da Coruña que incorporouse hai un tempo á colección permanente do museo e que actualmente a incorporamos á exposición na sala 1 do museo. En concreto destacamos un diñeiro de vellón, unha das primeiras moedas emitidas nesta ceca en tempos do reinado do último monarca do Reino de León, Alfonso IX (1188-1230). A través das nosas redes sociais difundirémola para dar a coñecer ao público en xeral que a principal ceca que se estableceu na Idade Media en Galicia foi na nosa cidade e que se mantivo en activo entre os séculos XIII e XVII.

Para máis información poñemos á vosa disposición un documento en formato pdf que se pode descargar aquí.


Museo, noticias

ACHÉGATE

Visitas escolares

Percorridos educativos

INFORMACIÓN

Museo de Belas Artes da Coruña

Rua Zalaeta s/n 15002 A Coruña Tlf: 881 881700 Fax: 881 881701

contacto

Rua Zalaeta s/n 15002 A Coruña
Tlf: 881 881 700 Fax: 881 881 701
mu.belas.artes.coruna@xunta.es
© Copyright 2008-2009. Museo de Belas Artes da Coruña. Reservados todos los derechos.