Museo
buscar



EDUCACIÓN / ADULTOS

UN MUSEO ABERTO Á CIDADANÍA

Durante todo o ano, o Museo de Belas Artes da Coruña organiza actividades educativas para adultos. O obxectivo e favorecer o coñecemento da colección do museo en particular, e do mundo da arte en xeral. A dirección do museo organiza os programas pensando en todo tipo de público, procurando ofertar actividades que sexan amenas, didácticas, divulgativas e accesibles. Trátase de presentar unha alternativa cultural para o tempo de lecer, tendo en conta os diferentes intereses dos diversos colectivos sociais, destacando a preocupación por ofertar programas de calidade aos nosos maiores. En diversos momentos do ano, organízanse visitas guiadas á colección permanente e as exposicións temporais. Desde o museo tamén organizamos cursos divulgativos sobre o mundo da arte e os museos, coloquios, xornadas, presentacións e conferencias.

VISITAS  PARA ADULTOS (GRUPOS ORGANIZADOS):

Visita xeral ao museo A través das diferentes salas iremos coñecendo as pezas máis destacadas que están expostas no museo, nunha viaxe polo tempo que nos leva desde as obras do renacemento e barroco ata as pezas de arte contemporánea, pasando polos gravados de Goya, as obras dos pintores realistas e románticos do XIX, e as pinturas e esculturas máis destacadas dos artistas galegos representados na colección.


As mulleres do museo é unha visita guiada que pretende facer unha achega ao papel que xogaron as mulleres no mundo da arte, nun dobre sentido: como é representada a muller ao longo da historia da arte, e como as mulleres van accedendo, paseniño e con dificultades, ao oficio ou condición de artistas. Unha visita á colección de sempre pero desde un punto de vista non tradicional que invita á reflexión.



A arte galega no Museo de Belas Artes É un percorrido polas obras dos artistas galegos que están representados na colección do Museo, e que nos permiten coñecer o desenvolvemento da plástica galega desde o século XIX ata a actualidade. A través de artistas de diferentes estilos e épocas como Villaamil, Seoane, Lugrís ou Leiro, entre outros, coñeceremos as diferentes creacións artísticas xurdidas desde Galicia neste tempo, relacionándoas co seu contexto.


A Arquitectura do museo Para todos aqueles grupos interesados no deseño e na arquitectura ofrecemos a posibilidade de coñecer desde outro punto de vista o museo, facendo unha visita guiada polas diferentes instalacións do edficio, co fin de coñecer mellor esta obra senlleira da arquitectura galega contemporánea, deseñada por Manuel Gallego Jorreto, que acadou o Premio Nacional de Arquitectura.


RESERVAR VISITA

OS TEMAS DA ARTE: A arte e a historia da moda no século XX

Mércores, do 11 de abril ao 9 de maio de 2018

18:30 h, Adulto

BookCrossing no Museo

do 20 ao 30 de abril de 2018

horario de apertura do museo, Xeral

IntercambiArte con nós

do 20 ao 30 de abril de 2018

de 9:30 a 14:30 horas, de luns a venres, Adulto

ACHÉGATE

Visitas escolares

Percorridos educativos

INFORMACIÓN

Museo de Belas Artes da Coruña

Rua Zalaeta s/n 15002 A Coruña Tlf: 881 881700 Fax: 881 881701

contacto

Propostas educativas 2017-2018

Educación infantil (pdf)

Educación primaria (pdf)

ESO (pdf)

Bacharelato (pdf)

Rua Zalaeta s/n 15002 A Coruña
Tlf: 881 881 700 Fax: 881 881 701
mu.belas.artes.coruna@xunta.es
© Copyright 2008-2009. Museo de Belas Artes da Coruña. Reservados todos los derechos.