Abanico

Abanico plegable de loito con varillaje (15 + 2) de madeira lacada en negro e gasa. No anverso a fonte está calada e gravada con motivos vexetais e xeométricos. No reverso non presentan decoración. As gardas están caladas e talladas con motivos vexetais. O país é de gasa ornamentada con tres cintas de raso paralelas nos extremos superior e inferior. A parte central do país presenta unha escena con aves e motivos vexetais e florais pintados coa técnica do gouache.

O ribete é un remallado simple con fío negro simulando a pasamanería.

Voo: 140°