Abanico

Abanico pregable con varillaxe (21 + 2) de óso. No anverso, a fonte está tallada e calada con motivos vexetais, florais, xeométricos e figuras humanas. As gardas de óso presentan os mesmos motivos que a fonte. O país, de papel, é dobre. No anverso represéntase mediante a técnica do gouache varias escenas clásicas enmarcadas por medallóns, ao redor deles aparecen motivos florais e vexetais.
O craviño é de metal prateado. A virola é de metal dourado pintado en azul e branco cun motivo floral no centro. Voo: 156°.