Abanico

Abanico plegable de tipo baralla con varillaje (28 +2) de madeira pintada e calada con motivos xeométricos e vexetais. No anverso, aparecen dúas escenas enmarcadas de maneira individual, a representación esquerda está protagonizada por unha figura infantil que ofrece flores a unha figura feminina nun contexto campestre; a representación dereita repite a temática intercambiando a figura infantil por un personaxe masculino. As gardas son de madeira calada con motivos vexetais e pintadas na parte da guía por ambas as caras. O motivo pintado no anverso das guías é un ave que porta grilandas de flores. No reverso das gardas, na parte das guías, represéntanse motivos vexetais e florais. No reverso do varillaje repítese o esquema compositivo de dous rexistros pintados coa técnica ao gouache nos que se representan pequenas aves que portan á esquerda unha grilanda e á dereita un cesto con flores.

A argola e a virola son de latón dourado. O clavillo é de metal prateado.

Voo: 160 °