Abanico

Abanico pregable de baralla con varillaxe (13 + 2) de óso. No anverso, o varillaxe está calado e pintado ao gouache, presentando dúas viñetas con paisaxes. As gardas presentan motivos pintados en cor dourada e están caladas e talladas. No reverso, a varillaxe está calada e pintada ao gouache con motivos florais. As representacións enmárcanse cunha orla en cor dourada en ámbolos lados da varillaxe.
A virola e a argola son de metal dourado con incrustacións de pedra en cor verde. O craviño é de metal dourado. A argola leva unha borla de cor rosa. Voo: 130°.