Cena

Composición na que dúas figuras de perfís imprecisos, un home e unha muller, levantan as súas copas para facer un brinde. A simetría impón a súa orde, rota unicamente pola colocación das pernas de ambos os personaxes. As figuras están sentadas nos extremos dunha mesa sobre a que hai dúas velas e no centro un vaso con flores azuladas que xunto a cor vermella do viño contribúen a romper a monotonía do dominio de tintas grises característica do pintor. Mostra a referencias estilísticas que se manteñen constantes na súa obra e en especial nas realizadas desde mediados dos anos sesenta. A súa característica preocupación pola luz, tamizada pola diferente intensidade do ton gris que contribúe a crear espazo e modela e envolve as figuras apenas insinuadas.