Cesto con frutas

Nos anos setenta comeza o seu interese por temas máis íntimos nos que plasmar a súa mirada interior para lograr unha visión contemplativa. Dedícase de cheo ao estudo das naturezas mortas ou os interiores, como o pintor afacía chamalos. Se nos anos anteriores pintaba a natureza a partir de bosquexos, agora pinta do natural no interior do seu estudo. Nunha coidada e sinxela composición, estrutura o espazo en dous partes: o fondo, escuro, neutro e indefinido, e o soporte, a mesa simplificada nunha liña, sobre a que dispón a cesta na que agrupa as froitas. Cos efectos da luz intensa dirixida as froitas adquiren volume, corporeidade e calidades táctiles, inmersas nunha atmosfera de gran intimidade.