El conde Mauricio de Orange

SEGUIDOR DE GOVAERT FLINCK

Retrato de medio corpo cun encadre tradicional e que segue as fórmulas do retrato oficial da época para configurar unha imaxe de grandeza e dignidade. A figura do conde, construída con coidados matices de luz, sitúase diante dunha columna e recortada sobre un fondo de paisaxe, elementos que denotan a influencia da tradición retratística flamenga. Retrátaselle co característico realismo holandés e cun detallado estudo do rostro no que destaca a observación sicolóxica do personaxe. Juan Mauricio, conde de Nassau-Siegen (1604-1679), era un nobre alemán que tiña estreita relación de parentesco coa Casa de Orange holandesa. Foi gobernador das posesións holandesas en Brasil e á súa volta a Holanda participou en sucesivas campañas militares. O bastón de mando que sostén nunha man é un atributo de autoridade e poder, viste gabán de veludo sobre a coiraza militar e sobre ela as insignias da Orde do Elefante e da Orde de San Xoán rama alemá da Orde de Malta.