Imaxe:

El descubrimiento de la púrpura

Autores/as:
Cronoloxía:
1636-1638

O lenzo formaba parte da decoración da Torre da Parada e Thulden toma como modelo o bosquexo realizado por Rubens que se conserva no Museo Bonnat de Bayona (Francia) onde segue a historia que relata no século II o escritor grego Julio Pólux en Onomasticon. No relato de Pólux cóntase que durante un paseo de Hércules co seu can pola praia da cidade de Tiro, o animal mordeu un caracol mariño e a súa boca tinguiuse de cor púrpura, descubrindo un dos pigmentos máis apreciados na antigüidade. O achado da tinguidura púrpura, unha cor que se converteu durante séculos en símbolo de prestixio e da realeza, quedaba así vinculado a un episodio mítico e á cidade fenicia de Tiro, o principal centro comercial do pigmento na antigüidade. A recreación da cidade amurallada de Tiro e o seu porto serven de escenario neste lenzo ao episodio do descubrimento.

Folla técnica

Número de inventario:
6419
Materia / Soporte:
Lenzo
Contexto cultural / Estilo:
Barroco
Autores/as:
Cronoloxía:
1636-1638
Clasificación:
Pintura
Iconografía:
Figura. Animal
Mitolóxica
Sala:
Procedencia:
Depósito: Museo Nacional del Prado (18/10/2017)
Medidas:
Lenzo: Altura = 190 cm; Anchura = 211 cm
Técnica:
Pintura ao óleo
Obxecto:
Cadro