El tiempo, aplicación y emulación

Escena alegórica desenvolta nun amplo espazo aéreo de intensa luminosidade. A escena compóñena catro figuras enlazadas a modo de cadea, a primeira enmarcada por unha forma semicircular e envolta en teas negras, as seguintes, dous espidos en complicados escorzos e a última envolta en vaporosas teas de cores. Trátase dun ensaio preparatorio para a composición que decoraría o teito do Paraninfo do Centro de Segundo Ensino de Ourense, que finalmente non levaría a cabo. Parada Justel realiza os seus estudos en Madrid e completa a súa formación en Roma. Alí asimila a arte de Miguel Angel e coñece o barroco italiano. Esa preocupación polo tratamento da anatomía, polo movemento e o interese por resolver atrevidos escorzos, será unha constamte na súa representación figurativa.