La Gloria

O ámbito da Gloria celestial está presidido en altura pola Trindade, coas figuras de Deus Pai, do Fillo e do Espírito Santo en forma de pomba, que reciben e coroan á Virxe que aparece rodeada de anxos. Esta escena é o eixo da composición na que se graduan os profetas do Antigo Testamento, evanxelistas, apóstolos e todos os bienaventurados presentes que asisten en actitude de adoración. A Coroación da Virxe é un tema procede dun relato apócrifo que foi difundido no século XIII pola Lenda Dourada de Santiago de la Vorágine. É a partir do século XV cando vemos á Virxe coroada pola Trindade, un tipo que predominará na arte europea ata o século XVII. Por outra banda, é un argumento esencial da doutrina mariana da igrexa da Contrarreforma xa que como culminación da súa Glorificación, María é coroada como Reina dos ceos onde ocupa desde entón un lugar destacado xunto ao seu fillo e desde onde exerce o seu papel como intercesora entre el e os homes. Neste papel de mediadora vemos á Virxe representada na escena titulada Xuízo Final (Inventario nº 273 da colección do Museo) que forma parella con esta imaxe da Gloria.