La Quinta Angustia

Escena da Piedade, coa Virxe sostendo a Cristo morto no seu colo. A Virxe, que ten a cabeza cuberta cun pano branco, aperta contra a súa fazula a de Cristo morto, sosténdolle a cabeza entre as súas mans. A representación de detalles nas escenas da Piedade, como o que a nai se abrace fortemente ao fillo, estivo moi influída pola literatura mística e devota na que se detallaba a súa dor polo sufrimento e morte de Cristo. O título de Quinta Angustia remítenos á representación da Virxe Dolorosa (Nosa Señora das Angustias) coa que a Piedade ás veces aparece asociada. Relaciónase coa devoción de época medieval aos Cinco Dores da Virxe, segundo a cal María estaría a sufrir a súa Quinta Angustia ou Dor durante a Crucifixión por considerala moralmente partícipe da Paixón do seu Fillo.