La Santísima Trinidad

ATRIBUIDO A FRANCISCO CARO

Representación pictórica do dogma católico da Trindade coas tres divinas persoas dun único Deus, Pai, Fillo e Espírito Santo. Nesta composición represéntase cunha das formas máis usuais, co Pai e o Fillo, que está sentado á súa dereita, e o Espírito Santo situado entre eles. A representación da pomba como imaxe do Espírtu Santo deriva das frases evangélicas que narran a súa aparición no bautismo de Cristo. O Pai, con fisonomía de ancián, sostén un cetro como un atributo de poder. Cristo mostra as chagas da Paixón no costado e nas súas mans e sostén a cruz que simboliza a súa obra de salvación da humanidade. A imaxe da Trindade coa esfera celeste situada aos seus pés, transparente e que representa ao universo, difundiuse sobre todo na arte do século XVII. É probable que nesta pintura exista, ademais da representación do misterio trinitario, unha alusión á redención do xénero humano mediante o xesto que o Pai e o Fillo fan coas súas mans ao bendicir o globo do mundo que sosteñen os anxos.