Retrato de la mujer del pintor

A representación da figura humana non adoita ser un tema recorrente na obra de Tenreiro, quedando reducida á súa serie de autorretratos que repite ao longo da súa produción. Neste caso atopámonos ante un perfil feminino, concretamente da muller coa que contraería matrimonio dous anos despois. Aínda que a paleta empregada poida lembrarnos a estética da súa pintura negra, desde o punto de vista estilístico é unha obra representativa da súa pintura de finais da década dos anos setenta. A intensidade cromática de anos antes dá paso a unha entoación practicamente monocroma, caracterizada por unha pincelada ampla.