Retrato del naturalista D. Juan Lembeye

Retrato en formato ovalado que acentúa o espírito romántico da obra. O cabaleiro é presentado de medio corpo e de fronte ante un fondo neutro. Viste un traxe escuro, camisa branca e paxarela, ten bigote e perilla loura. Trátase do retrato, aos 48 anos idade, de Juan Lembeye y Lartaud (Ferrol, 1816-Culleredo, A Coruña, 1889), naturalista e ornitólogo que emigrou a Cuba onde se dedicou á docencia e á investigación. Antes de 1863 regresou a Galicia instalándose no Pazo de Liñares en Culleredo (A Coruña), localidade da que foi elixido alcalde en 1868, e desde entón dedicouse á agronomía, interese que compartía co pai de Emilia Pardo Bazán, con quen mantivo unha estreita amizade. Testemuño desa amizade é o misal que se conserva no Museo e que Lembeye entregou a Emilia como agasallo de voda.