Santa María Magdalena

ATRIBUIDO A MATEO CEREZO

Seguindo o modelo tradicional para representar á Madalena como penitente, a súa figura está vestida austeramente cun sinxelo saial e é evocada en soidade e no medio da natureza para indicar a súa renuncia ás banalidades do mundo. Esta representación foi habitual na arte barroca católica xa que para a Igrexa, a imaxe do arrepentimento e a penitencia da santa era un exemplo para fortalecer a fe dos fieis e un motivo para reflexionar sobre a súa salvación. Neste lenzo ten a aureola da santidade e sostén entre as súas mans un crucifixo cun intenso fervor, que xunto coas cadeas situadas sobre a roca, simbolizarían a súa identificación con Cristo crucificado. Para representar á Magdalena, Mateo Cerezo creou dous modelos coa figura da santa de medio corpo, que repetiu con frecuencia e dos que se realizaron numerosas réplicas. Esta imaxe correspondería ao momento final das súas creacións artísticas, cando a gama cromática redúcese, os claroscuros acentúanse e a expresión da santa adquire un maior misticismo.