Tienda

Escena popular na que catro mulleres en primeiro termo, vestidas con saia, delantal, dengue e pañoleta están a mirar a peza de tea que outra muller está a mostrar. No espazo restante, panos e teas de diferentes debuxos e cores están colgados e expostos en filas. A escena representa unha tenda de tecidos, tan habituais na obra de Maside, e que reflicten a súa vinculación familiar con este tipo de establecementos. Por outra banda a temática da muller: mulleres na tenda, no mercado, leiteiras, cacharreras, é habitual na súa obra e este mundo popular supón unha constante referencia a Galicia. Despois de iniciarse no mundo da ilustración, a viaxe que realiza Maside a París en 1926, permítelle entrar en contacto coa vanguarda europea. Ao seu regreso realiza unha obra inspirada na estampa xaponesa, cun sentido moi decorativo da representación e unha fragmentación do espazo en zonas de cor. Nese contexto xorden obras como Tenda. Este óleo, de composición abigarrada e vigoroso cromatismo, se concíbe coma se fose o deseño dunha tea estampada. A composición resolta a base de pequenos planos de cor geometrizados, así como o reflexo da temática popular e as amplas doses decorativas fan que o conxunto sexa un dos fitos da pintura renovadora galega. O artista enviou esta obra á Exposición Internacional de Barcelona de 1929, obra que xunto cunha estampa, chamou a atención de Margaret Palmer do Carnerige Institute de Pensilvania, que o incluíu na mostra itinerante de artistas españois contemporáneos por EE.UU., en 1931 e 1932, da que tamén formaron parte pintores como Arturo Souto, Maruja Mallo e Joaquín Sunyer.