Escenas

Os artistas, durante séculos, teñen creado escenarios e ambientacións para narrar historias a través de distintos personaxes e situacións. Moitos destes escenarios son inventados mais outros aluden a espazos reais que podemos recoñecer. Estes ambientes poden transportarnos a outros lugares e a outros tempos.

Quen son os personaxes que estamos a observar? Que aconteceu antes da escena representada? Que hai fóra de campo? Como soa unha obra de arte? Como nos sentiríamos e actuaríamos se estiveramos dentro dos cadros? 

Nesta actividade, pensada para os últimos niveis de primaria, aproximarémonos á arte a través do corpo e dos sentidos. Empregando dinámicas do mundo teatral, mergullarémonos nalgunhas das pezas máis evocadoras da colección do museo.

Esta actividade está deseñada tendo en conta os contidos curriculares da Área de Ciencias Sociais e Educación Artística