Concertos Premio Intercentros Melómano
O Museo de Belas Artes da Coruña acolle dous concertos dos Premios Intercentros Melómano organizados pola Asociación de Amigos do Museo en colaboración coa Asociación AÏS e a Fundación Orfeo, que contarán coa interpretación de dous gañadores do Premio a Mellor Interpretación para Solistas Intercentros Melómano: Laura Ballestrino Mateos e Miguel Ángel Pacheco Macías.
O "Intercentros Melómano" é unha iniciativa da Fundación Orfeo, creada no 2002 co compromiso de apoiar aos músicos mozos no comezo das súas carreiras.
Datas: 15 e 22 de setembro
Horario: 20:00 h
Programa
Venres 15 de setembro: États d'âme
Laura Ballestrino Mateos (piano)
- Frédéric Chopin (1810-1849) Balada nº 4 en Fa menor op. 52
- Alexander Scriabin (1872-1915)
- I. Drammàtico
- II. Allegretto
- III. Andante
- IV. Presto con fuoco
- Jaime Santoyo (1980), Canción de los Lagartos
- Manuel de Falla (1876-1946), Fantasía Bética
États d'âme -estados da alma- é o título que Alexander Scriabin lle deu á súa Sonata nº 3 en Fa sostenido menor. Alma provén do grego anemos (vento, sopro, respiración) e, segundo os antigos filósofos gregos, a música é quen move os estados da nosa alma. Ao longo da historia, a linguaxe da música foi transformando a súa forma de expresión ata chegar ao Romanticismo, momento chave onde comeza un camiño sen retorno cara a unha comunicación máis emocional, espontánea, humana e visceral.
Venres 22 de setembro: Contrastes
Miguel Ángel Pacheco Macías (saxofón). Acompaña Blanco González Peris (piano)
- Peza en forma de habanera - M. Ravel
- Sonata Op.29 - R. Muczynski
- Fuzzy Bird Sonata - T. Yoshimatsu
- Les Quatre Éléments (terra, auga) - V.Herbiet
- Mi bailaora - D. Salleras
- Sonata (I-II movs) - Paul Creston
- Suite Helenica - Pedro Iturralde
O termo contrastes define unha oposición ou diferenza notable entre varias cousas. Musicalmente, sempre se contrastou e afastou a música jazz coa música de ámbito clásico por mor dunha aparente diferenza entre estes dous xéneros. Este programa dos séculos XX e XXI presenta toda unha serie de obras que fusionan a escritura clásica musical coa jazzística, engadindo elementos desta última para comprobar que ditos xéneros non están tan afastados o un do outro.