Anastasi, Auguste

Auguste  Paul Charles  Anastasi (París, 1820-1889). Formouse na Escola de Belas Artes de París e foi alumno de Delacroix, Corot e Delaroche. Traballou no Bosque de  Fontainebleau, en Barbizon e en Normandía e viaxou a Bélxica, Holanda, Alemaña, o Tirol e Italia, onde pintou numerosas paisaxes. Produciu tamén litografías de paisaxes de excelente calidade.

En 1870  Anastasi quedou completamente cego, a venda do seu traballo, organizada polos seus colegas, conseguiu suficientes fondos para mantelo o resto da súa vida. As súas paisaxes do bosque de Fontainebleau e, máis particularmente, o George de Apremont, están suxeridos máis que pintados, con discretos medios tons que evocan a poesía intrínseca do cambio da luz en diferentes momentos do día.