Celebración del Día del Patrimonio
Celebración do Día do Patrimonio
no Museo de Belas Artes da
Coruña
Xoves, 16 de
novembro de 2017
O Museo de Belas Artes da Coruña súmase
á iniciativa da Sección de Patrimonio e Bens Culturais do Consello da Cultura Galega para a
celebración da Semana do Patrimonio,
coincidindo co Día Internacional do Patrimonio Mundial que ten lugar cada 16 de novembro.
XORNADA DE PORTAS ABERTAS
Entrada gratuita para todo o público que ao longo do
día 16 de novembro visite o museo.
O PATRIMONIO DO MUSEO A
TRAVÉS DA WEB
A colección do museo pódese consultar a través da
páxina web do museo:
http://museobelasartescoruna.xunta.gal
FRANCISCO ASOREY E A CERÁMICA CELTA
Na sala 6 do museo atópase unha pequeña selección de
pezas da fábrica Cerámica Celta de Pontecesures, entre as que se inclúe a
reproducción de ‘O Tesouro’ de Francisco Asorey, comentada no seguinte enlace:
http://museobelasartescoruna.xunta.gal/index.php?id=70&idc=3305
Enlace á web do Consello da Cultura Galega:
http://consellodacultura.gal/dia-do-patrimonio-2017.php
Departamento de DifusiónMuseo de Belas Artes da CoruñaRúa Zalaeta, 215002 A CoruñaT 881 881 700 / F 881 881 701http://museobelasartescoruna.xunta.gal mu.belas.artes.difusion@xunta.gal Síguenos en Facebook y Twitter
________________________________________________________________
FRANCISCO ASOREY E A CERÁMICA
CELTA
O TESOURO
Cerámica Celta. Pontecesures
(1925-1963)
Reprodución de “O Tesouro” de Francisco Asorey
1933-1954
Inv. 4837. Colección do Museo de Belas Artes da
Coruña
Esta
peza cerámica é unha reproducción da obra en madeira de Francisco Asorey
titulada ‘O Tesouro’ realizada en 1924 e presentada na Exposición Nacional de Belas
Artes de Madrid onde recibe a 2ª medalla, feito que causou protestas por non
recibir a 1ª. A talla foi comprada por un particular polo dobre do valor do
premio. Esta obra é un exemplo destacable da escultura rexionalista galega que
recupera a liña da imaxinería tradicional para reflectir a esencia do modo de
vivir galego.
O
escultor deseñou o modelo para ser reproducido pola fábrica de Cerámica Celta, encargándose
da decoración o artesán Antonio Fabeiro, activo na fábrica entre os anos 1933 e
1954.
Cerámica Celta. Pontecesures
(1925 – 1963)
Cerámica
Celta foi fundada en Pontecesures (Pontevedra) en 1925 coa idea de plasmar nos
seus deseños artísticos a cultura tradicional galega tanto da vida mariñeira
como do campo. Para esto contou coa colaboración de artistas como Asorey,
Castelao, Bonome, José Mª Acuña, Maside, Sesto, M. Torres e Carlos Sobrino que
aportaron a súas creacións e bosquexos.
Na súa
produción, na que tamén houbo pezas de uso cotián como xerras, xogos de café e
de chocolate, testos, etc…, incorporou a técnica do vitrificado e as
tonalidades das súas cores, moi características, foron moi coidadas polos
decoradores da fábrica.
As súas
pezas vendéronse en Galicia, Latinoamérica e difundíronse en Madrid a través
das Feiras do Campo.