LecturArte. Club de lectura. Outono 2026
· LecturArte Tardes: Mércores, 23 setembro, 21 outubro*, 18 novembro, 16 decembro de 2026
A Biblioteca do Museo de Belas Artes da Coruña presenta a cuarta edición de LecturArte, o club de lectura organizado desde o museo.
LecturArte é un lugar de encontro para lectores/as curiosos/as sobre o tema da arte, a través da lectura e comentario de novelas ambientadas no mundo da arte, que teñen como protagonistas a artistas ou que presentan cuestións interesantes relacionadas co tema.
Grupo Mañá: Martes, 15 setembro, 13 outubro, 10 novembro, 15 decembro de 2026 de 11:00 a 13:00 horas
Grupo Tarde: Mércores, 23 setembro, 21 outubro*, 18 novembro, 16 decembro de 2026, de 18:00 a 20:00 horas
(*21 de outubro de 17:00 a 19:00 horas)
Funcionamento:
- Breve presentación do autor/a e da obra por parte da coordinadora. Ambientación da novela e análise literaria.
- Comentario da obra polos participantes a través de roldas de preguntas, ideas que xurdisen durante a lectura individual.
- Recomendacións doutros títulos de interese.
Títulos*:
- El señor Wilder y yo, de Jonathan Coe.
- El vestido azul, de Michèle Desbordes
- La utilidad de lo inútil: manifiesto de Nuccio Ordine
* Os títulos están suxeitos á dispoñibilidade na Rede de Bibliotecas de Galicia (RBG) e nas Bibliotecas Municipais da Coruña, polo que podería haber algún cambio.
Calendario:
Grupo Mañá:
- 15 de setembro: breve presentación da actividade e entrega en préstamo dos exemplares da primeira lectura: El señor Wilder y yo, de Jonathan Coe.
- 13 de outubro: Lectura e comentario de El señor Wilder y yo, de Jonathan Coe, e entrega dos exemplares da segunda lectura.
- 10 de novembro: Lectura e comentario da segunda lectura e entrega dos exemplares da terceira.
- 15 de decembro: Lectura e comentario da terceira lectura.
Grupo Tarde:
- 23 de setembro: breve presentación da actividade e entrega en préstamo dos exemplares da primeira lectura: El vestido azul, de Michèle Desbordes.
- 21 de outubro (de 17:00 a 19:00 horas): Lectura e comentario de El vestido azul, de Michèle Desbordes, e entrega dos exemplares da segunda.
- 18 de novembro: Lectura e comentario da segunda lectura e entrega dos exemplares da terceira .
- 16 de decembro: Lectura e comentario da terceira lectura.
- Reserva de praza:
Inscrición online exclusivamente mediante o formulario dispoñible nesta páxina, a partir do mércores 9 de setembro ás 10 horas.
- Inscrición:
O envío do formulario non garantiza a reserva de praza. Unha vez cuberto, recibirá un email por parte do Museo para formalizar a inscrición.
No caso de finalmente non poder asistir, agradécese que chamen ao museo con antelación para comunicalo e así poder cubrir a praza para que poidan asistir outras persoas.
- Para máis información:
Para calquera consulta ou aclaración, poden chamar ao teléfono: 881 881 700 de luns a venres en horario de 9 a 14 horas.