Os programas de inclusión do museo ofrecen diversas propostas para garantir que todas as persoas poidan desfrutar dunha experiencia cultural enriquecedora.
Entre eles destacan "Tender Pontes", "Museo en Movemento" e "Identidades".
Estes programas buscan romper barreiras e facer do ocio e da cultura un espazo accesible e inclusivo para todas as persoas.
Programa de atención á diversidade, a realizar na sede do Museo, que combina visita, obradoiro e tertulia, asegurando actividades adaptadas e inclusivas.
Proxecto educativo dirixido a colectivos con diversidade funcional ou en risco de exclusión, no marco do programa Cultura Accesible e Inclusiva liderado pola Fundación Emalcsa. Dende o 2020, emprega experiencias inmersivas de Realidade Virtual para levar virtualmente o Museo ata a propia sede dos centros participantes.
Proxecto sociocultural pensado para colectivos en situación de vulnerabilidade, que busca reflexionar sobre as raíces e a identidade propia, explorando dimensións culturais, xeográficas, emocionais e persoais tanto a nivel individual como colectivo. Durante diversas sesións no Museo, cada grupo traballa un tema e unha técnica artística, da man de diferentes artistas locais.
