Comeza a vontade de crear un museo na cidade da Coruña por parte da Comisión Provincial de Monumentos e da Academia Provincial de Belas Artes da Coruña.
Elvira Arévalo Gener lega tres óleos do século XVII: as dúas táboas de Rubens, "Dédalo e o minotauro" e "Psique", máis a peza de Frans Francken II "Gabinete do coleccionista".
Mediante Real Orde de 24 de marzo de 1922, créase o Museo Provincial de Belas Artes baixo a dirección de Ángel del Castillo López, aínda que sen sede propia.
O Goberno cede, pola insistencia de Fernando Álvarez de Sotomayor –delegado de Belas Artes-, o edificio do Real Consulado do Mar para albergar a sede do museo, compartindo espazo coa Biblioteca do Consulado e coa Real Academia Provincial de Belas Artes.
Álvarez de Sotomayor asume a dirección do museo en 1938, pero en 1939 volve tomar posesión do cargo de director do Museo del Prado, polo que o pintor José Seijo Rubio será o director desde 1942.
O 23 de setembro ten lugar a inauguración oficial do Museo e a súa apertura ao público.
Baixo a xestión de José Seijo Rubio amplíase a colección en pintura e escultura, numismática, artes decorativas e composicións musicais; a través de doazóns de personalidades como Mª de las Nieves Quiroga y Pardo Bazán, filla da famosa novelista.
Luis Quintas Goyanes é nomeado director. A súa labor fixo posible a continuidade do museo ata os anos oitenta, pese ás dificultades que tiña que facer fronte.
En setembro de 1985 as dúas táboas pintadas ao óleo por Rubens, doadas en 1893, son roubadas das salas de exposición do Museo. Dédalo e o minotauro recupérase en Estocolmo en 1988 e Psique en Miami, no ano 1991.
O pasado roubo evidencia a falta de seguridade da sede e provoca cambios na institución, que pasa a ser de titularidade estatal en 1986 baixo a dirección de Félix de la Fuente Andrés. Neste momento, encárgaselle ao arquitecto Manuel Gallego Jorreto o proxecto de construción dun novo edificio.
En 1989, a xestión do museo é transferida á Xunta de Galicia polo Real decreto 1531/1989, no que se traspasan do Estado á Comunidade Autónoma medios persoais e orzamentarios.
O 12 de decembro de 1995, xa baixo a xestión da actual directora Ángeles Penas Truque, o Museo de Belas Artes da Coruña inaugura o novo edificio proxectado por Manuel Gallego Jorreto.
O proxecto do novo edificio recibe o Premio Nacional de Arquitectura en 1997. Un galardón que Manuel Gallego Jorreto recibe de novo en 2018, en recoñecemento á súa traxectoria.
Exposición De Van Goyen a Constable. Aspectos da tradición do pintoresco na Colección Carmen Thyssen-Bornemisza, organizada coa Fundación Colección Thyssen-Bornemisza.
Durante o oitavo centenario da obtención do título de cidade, organízase a exposición A Coruña. A cidade na arte, onde se reflicten as diferentes visións que os artistas proxectaron sobre a cidade da Coruña ao longo dos séculos.
Celébrase a exposición temporal O primeiro Picasso. A Coruña 2015, organizada coa colaboración do Museu Picasso de Barcelona e que conmemora o 120 aniversario da primeira exposición do pintor, que tivo lugar na Coruña en 1895.
A exposición temporal Picasso branco no recordo azul, organizada no marco da Celebración Picasso 1973-2023, analiza o carácter iniciático dos seus fundamentos estéticos no período coruñés e como estes trascenderon ao futuro.
O Museo é un vínculo entre o mundo da arte e a sociedade que o acolle, ofertándose actividades como talleres, exposicións temporais, visitas guiadas, xornadas de arte, conferencias, concertos, etc., para crear unha entidade activa co fin de coñecer, divulgar e conservar o noso patrimonio.
