Catálogos

O Museo de Belas Artes da Coruña presenta o catálogo da exposición "Viaxar para pintar. Sorolla en Galicia", que edita a Fundación Museo Sorolla con P&M Ediciones no marco do programa “100 años del fallecimiento de Joaquín Sorolla”, un dos grandes eventos culturais do ano que conmemora o centenario do falecemento de Joaquín Sorolla Bastida (Valencia, 1863 - Cercedilla, Madrid, 1923).

22,00€

O Museo de Belas Artes da Coruña publica o catálogo da exposición "Picasso branco no recordo azul. Debuxando o futuro", que promoveu a Xunta de Galicia co motivo do 50º aniversario da morte de Pablo Picasso o 8 de abril de 2023, e no marco da Celebración Picasso 1973-2023 organizada conxuntamente polo Estado español e o Estado francés nos principais museos das cidades picassianas,

60,00€

Catálogo da exposición antolóxica dedicada ao pintor coruñés Alejandro González Pascual celebrada no Museo de Belas Artes da Coruña do 18 de novembro de 2021 ao 27 de febreiro de 2022, prorrogada ata o 3 de abril de 2022.

Catálogo da exposición " Vestir Épocas 1860-1960. Colección Ana González-Moro" celebrada no Museo de Belas Artes da Coruña do 28 de outubro de 2020 ao 30 de maio de 2021.

Catálogo da exposición "Luís Seoane no Museo de Belas Artes da Coruña. O legado de Maruxa Seoane", celebrada no museo do 28 de novembro de 2019 ao 20 de setembro de 2020, con motivo da dedicatoria do Día das Artes Galegas 2019 á figura de Luís Seoane. É un catálogo razoado que recolle as fichas de inventario e as fotografías da colección íntegra da obra gráfica e pictórica do polifacético autor coruñés, procedente do importante legado efectuado no seu día á citada institución por Maruxa Seoane, viúva do pintor.

Catálogo da exposición "Pinceladas ocultas", celebrada no Museo de Belas Artes da Coruña entre os meses de setembro e decembro de 2019. 

A exposición amosa o proceso de restauración da obra Arrepentimento de san Pedro, de Francisco Collantes.

16,00€

Catálogo dos gravados do gran mestre aragonés que figuran na colección do Museo de Belas Artes da Coruña.

O catálogo da exposición organizada en 1992 polo Museo de Belas Artes da Coruña, comisariada por Beatriz Martínez-Barbeito Manovel, é o resultado dun proxecto de investigación e reivindicación desde o museo sobre a figura e a obra deste paisaxista galego do século XIX. Partindo da colección de acuarelas que custodia o museo, expóñense máis de cen pezas na súa maioría acuarelas, pero tamén óleos e litografías do pintor nos cales plasma paisaxes das súas viaxes pola xeografía española.

Catálogo da exposición do Museo de Belas Artes da Coruña, no que se presentan máis de 150 obras, entre óleos, debuxos, acuarelas e litografías que reflicten espazos, ambientes, tendencias e manifestacións das novas formas de consumo e ocio no medio urbano entre finais do século XIX e as primeiras décadas do século XX.

Catálogo correspondente á exposición conmemorativa da entrega da doazón de 93 obras de arte por dona Carolina González Abad, no seu nome e no do seu marido, don Manuel Santiago Blanco, a favor da Xunta de Galicia, para a súa exposición, estudo e custodia no Museo de Belas Artes da Coruña.