Publicacións

O catálogo da exposición producida polo Museo de Belas Artes da Coruña "Vestir Épocas: 1860-1960. A colección Ana González-Moro" presenta dous espléndidos artigos dos comisarios en que explican o contido da exposición. A seguir engádense as seccións que compoñen a mostra coas fotografías realizadas por Jesús Madriñán e a relación catalográfica das pezas.

45,00€

Catálogo da exposición Luís Seoane no Museo de Belas Artes da Coruña. O legado de Maruxa Seoane.

15,00€

Catálogo da exposición "Pinceladas ocultas", celebrada no Museo de Belas Artes da Coruña entre os meses de setembro e decembro de 2019. 

A exposición amosa o proceso de restauración da obra Arrepentimento de san Pedro, de Francisco Collantes.

16,00€

Catálogo da mostra antolóxica sobre o pintor lalinense Alfonso Sucasas (Goiás, Lalín, 1940 - Ferreirós, Vila de Cruces, 2012), celebrada no Museo de Belas Artes da Coruña do 1 de decembro de 2017 ao 1 de abril de 2018. No estudo, a través dun centenar de obras, entre óleos e debuxos, realízase un percorrido exhaustivo pola obra realizada entre o ano 1957, data á cal pertence o seu primeiro autorretrato, e o ano 2010.

Catálogo da exposición organizada polo Museo Nacional Centro de Arte Reina Sofía sobre a traxectoria de Gerardo Rueda, expresada a través de colaxes. Abrangue a súa produción neste eido desde os seus comezos, nos anos cincuenta, ata os primeiros noventa do século pasado.

Catálogo dos gravados do gran mestre aragonés que figuran na colección do Museo de Belas Artes da Coruña.

Obra amplamente documentada e ilustrada verbo dun dos temas esenciais da existencia humana, visto desde a perspectiva da cultura europea, nos inicios da súa configuración actual.

O catálogo da exposición organizada en 1992 polo Museo de Belas Artes da Coruña, comisariada por Beatriz Martínez-Barbeito Manovel, é o resultado dun proxecto de investigación e reivindicación desde o museo sobre a figura e a obra deste paisaxista galego do século XIX. Partindo da colección de acuarelas que custodia o museo, expóñense máis de cen pezas na súa maioría acuarelas, pero tamén óleos e litografías do pintor nos cales plasma paisaxes das súas viaxes pola xeografía española.

Catálogo da exposición do Museo de Belas Artes da Coruña, no que se presentan máis de 150 obras, entre óleos, debuxos, acuarelas e litografías que reflicten espazos, ambientes, tendencias e manifestacións das novas formas de consumo e ocio no medio urbano entre finais do século XIX e as primeiras décadas do século XX.