OBRADOIROS DE VERÁN 2025: INSPIRAR PARA CREAR
A Consellería de Cultura, Lingua e Xuventude vén de poñer en marcha, en colaboración coa Secretaría Xeral de Igualdade da Consellería de Promoción do Emprego e Igualdade da Xunta de Galicia, o programa Bibliotecas, Arquivos e Museos Corresponsables, financiado polo Ministerio de Igualdad do Gobierno de España, co obxectivo de favorecer a conciliación das familias con nenas e nenos, desde un enfoque de igualdade entre mulleres e homes.
Trátase de obradoiros gratuítos, nos que terán prioridade as familias monoparentais, vítimas de violencia de xénero ou outras formas de violencia contra a muller, mulleres en situación de desemprego de longa duración, mulleres maiores de 45 anos ou calquera outra unidade familiar con necesidades en materia de coidados de nenas e nenos.
Destinatarios: nenos e nenas de 6 a 12 anos.
Horario: de 10:00 h a 14:00 h
Datas: Martes a venres, do 1 de xullo ao 5 de setembro, nas seguintes quendas:
- Semana 1, do 1 ao 4 de xullo
- Semana 2, do 8 ao 11 de xullo
- Semana 3, do 15 ao 18 de xullo
- Semana 4, do 22 ao 25 de xullo (agás o 25 de xullo)
- Semana 5, do 29 de xullo ao 1 de agosto
- Semana 6, do 5 ao 8 de agosto
- Semana 7, do 12 ao 15 de agosto (agás o 15 de agosto)
- Semana 8, do 19 ao 22 de agosto
- Semana 9, do 26 agosto ao 29 de agosto
- Semana 10, do 2 ao 5 de setembro
PARTICIPANTES
En cada quenda asistirá un máximo de 15 participantes de idades comprendidas entre os 6 e os 12 anos acompañados por 2 educadoras. Segundo a proposta poderán estar organizados en pequenos grupos, traballo individual ou en gran grupo, favorecendo desta forma os procesos creativos e cooperativos.
INFORMACIÓN PRÁCTICA PARA AS FAMILIAS
A media mañá farase un descanso para tomar o almorzo que cada participante traerá o seu da casa, xunto cunha botella de auga. É recomendable traer un mandilón ou roupa que se poida manchar.
CONTIDO
Mediante a práctica dos obradoiros, os/as nenos/as descubrirán as diferentes técnicas artísticas, ademais de achegarse a algúns dos mellores pintores universais e dos que forman parte da colección permanente do museo, cunha atención especial á figura de Isaac Díaz Pardo, con motivo da exposición que sobre este pintor desenvólvese no museo durante estes meses.
- Todas as actividades son de balde previa inscrición que se abrirá o luns 16 de xuño ás 10:00 horas.
- A inscrición está limitada a unha semana por infante.
- A inscrición realizarase a través do seguinte formulario (unha inscrición por cada neno ou nena participante).
- O envío do formulario non garantiza a reserva de praza, polo que é necesario recibir confirmación por parte do Museo.
- No caso de finalmente non poder asistir, agradécese que chamen ao museo con antelación para comunicalo e así poder cubrir a praza e poidan asistir outras persoas.