OBRADOIROS EN FAMILIA: Os camiños da arte
Os museos, ao igual ca os libros, están cheos de historias. Só tes que saber seguir as pistas para descubrilas. E iso imos facer nas tres sesións do obradoiro Os camiños da arte: seguir as pistas para deseñar os nosos propios sendeiros no museo.
Para iso, por suposto, necesitamos saber cal é a materia prima das historias. Que necesitamos para crear unha? Partindo dunha coidada selección bibliográfica, descubriremos de que están feitas as historias e investigaremos diferentes posibilidades de exploración dentro do museo que nos levarán a deseñar os nosos propios camiños e historias.
Destinatarios: Familias con crianzas de 4 a 10 anos.
Datas: Sábados, 7, 14 e 21 de novembro de 2026.
Horario: 18:00 a 19:30 h
Datas de inscrición:
Sábado 7 de novembro: inscrición desde o luns 2 de novembro ás 10:00 horas. COMPLETO
Sábado 14 de novembro: inscrición desde o luns 9 de novembro ás 10:00 horas. COMPLETO
Sábado 21 de novembro: inscrición desde o luns 16 de novembro ás 10:00 horas.
- Todos os obradoiros son de balde previa inscrición que se abrirá o luns de cada semana ás 10:00 horas.
- A inscrición realizarase exclusivamente a través do formulario web (un por cada neno ou nena participante).
- A inscrición está limitada a un obradoiro por familia.
- O envío do formulario non garantiza a reserva de praza, polo que é necesario recibir confirmación por parte do Museo.
- No caso de finalmente non poder asistir, agradécese que chamen ao museo con antelación para comunicalo e así poder cubrir a praza e poidan asistir outras persoas.
- Para calquera consulta ou aclaración, poden chamar ao teléfono: 881 881 700 de luns a venres en horario de 9 a 14 horas.