Obradoiros xuvenís. Picasso branco no recordo azul.

Sábados 15, 22 e 29 de abril; 6, 13, e 27 de maio; e 3, 10 e 17 de xuño.
-
12:00 a 13:30 h
Tipo:
Organiza:
Museo de Belas Artes
Monitor:
Arkhé Espacio Educativo
Público:
Rapaces e rapazas de 10 a 14 anos
Prazas:
10
Prezo:
Gratuito
Lugar:
Museo de Belas Artes da Coruña

Obradoiro de cómic usando como base as obras da exposición

Destinatarios: rapaces e rapazas de 10 a 14 anos

Datas: Sábados 15, 22 e 29 de abril; 6, 13 e 27 de maio; e 3, 10 e 17 de xuño.

Horario: de 12:00 h a 13:30 h

Inscrición:

  • Todas as actividades son de balde previa inscrición a partir do 10 de abril
  • A inscrición está limitada a un obradoiro por rapaz/rapaza. No caso de dispoñibilidade de prazas, abrirase un novo prazo de inscrición para outras datas.
  • A inscrición realizarase enviando a folla de inscrición (dispoñible ao final da páxina) ao correo electrónico actividades.museobelasartes.coruna@xunta.gal
  • O envío do formulario non garantiza a reserva de praza, é necesario recibir confirmación por parte do Museo.

Programa de actividades

Impro·Picasso (15 de abril, 6 de maio e 3 de xuño)
Crearemos un micro-relato gráfico (entre 4 e 6 viñetas) mergullándonos no universo picassiano: empregaremos personaxes, lugares e obxectos que podemos atopar reflectidos na obra do artista, todo isto a través dun xogo improvisado e desenfadado, achegando as ferramentas necesarias para facelo nun modo divertido e creativo.

Rostros Picassianos (22 de abril, 13 de maio e 10 de xuño)
Unha das imaxes máis icónicas de Pablo Picasso son os seus rostros: desmontados, xirados en varias perspectivas. de proporcións imposibles... Imos xogar, experimentar e crear con este elemento tan coñecido e tan cheo de posibilidades: O Rostro.

Picasso a capas (29 de abril, 27 de maio e 17 de xuño)
A obra Paquete de tabaco e vaso vai ser o noso punto de partida para iniciar este percorrido no que a  "desmontaremos" en varias capas, o que nos brindará a posibilidade de experimentar en cada unha delas con técnicas e materiais diversos. Como punto final, voltaremos a xuntar as capas, aportando deste xeito a nosa propia visión da obra do artista.

 

Documentos:
Anexo Tamaño
folla-inscricion_obradoiros.pdf 65.34 KB