Actividades

Concerto da VII edición do festival, que nesta ocasión homenaxea ao compositor italiano Luigi Nono polo seu centenario.

Ciclo de música que combina a música dunha determinada época coa visita guiada á sala do museo correspondente co mesmo período histórico, establecendo así un paralelismo entre a música e a pintura.

Ciclo de música dedicado a intérpretes e profesionais galegos, organizado polo Museo de Belas Artes da Coruña.

Ciclo de cinco concertos dedicados a Picasso e as cidades nas que residiu e traballou ao longo da súa vida, nos que se interpretarán obras de compositores contemporáneos ao artista.

Concerto homenaxe musical á iconografía picassiana de Pierrot

Novo ciclo de "Concertos de Outono", dedicado nesta ocasión a intérpretes e profesionais galegos, organizado polo Museo de Belas Artes da Coruña.

O Museo de Belas Artes da Coruña anuncia a celebración dun ciclo de concertos relacionados coa actual exposición After the whale. Un diálogo co Museo. Manuel Vilariño. A temática dos concertos, o Barroco e o Romanticismo, está relaciona co diálogo que se establece na exposición entre as imaxes do fotógrafo galego en contrapunto coas obras da colección permanente do Museo.

Dentro do ciclo Noites na Cidade Vella, a Fundación Rogelio Groba organiza un concerto familiar a cargo do Dúo Índigo, dúo integrado por Ana Ramón e Sergio Hernández.

Co título "O Carnaval dos Animais", será un concerto didáctico dirixido ao público familiar, para o desfrute de grandes e pequenos.

Entrada libre ata completar a capacidade do salón de actos.

Este concerto, a cargo do grupo compostelán Mad Martin Trio, constitúe o evento festivo dirixido a todo tipo de público, co que o Museo de Belas Artes da Coruña inicia as súas actividades de outono de 2022.

Carla Green & The Demons fórmase en Santiago de Compostela a principios do 2017 coa intención de levar aos escenarios o mellor soul dos anos 60 e 70. Conta cun repertorio baseado en clásicos de artistas como Etta James, Otis Redding, Wilson Pickett... En definitiva, a época dourada de selos como Chess, Stax ou Atlantic Records, pero sen descartar o soul ou o funk latino. A pesar de ser unha banda de recente formación, está composta por músicos cunha dilatada traxectoria musical dentro de estilos como o blues, o swing ou o jazz.