Haghe, Louis

Louis  Haghe (Bélxica, 1806 - Londres, 1885) foi un litógrafo e acuarelista belga.

Tras formarse nestas técnicas no seu país natal da man de Jan de Jonghe e Chevalier da Barrière, estableceuse en Londres en 1823. Alí traballou para o editor William  Day, con quen se asociou ao redor de 1830, dando lugar á firma de impresión  litográfica  "Day &  Haghe". Un dos proxectos máis ambiciosos desta compañía foron as aproximadamente duascentas cincuenta litografías que ilustran o diario de viaxes de David  Roberts The  Holy  Land,  Syria,  Idumea, Arabia,  Egypt,  and  Nubia (1842-49), realizadas por  Haghe a partir de bosquexos á acuarela de  Roberts e conservadas trinta e seis delas neste museo.

En canto á acuarela,  Haghe centrouse nela a partir de mediados da década de 1850. Foi membro fundador da New Watercolour Society (1832), onde expuxo desde 1835 e da que foi presidente entre 1873 e 1884.

Os temas predilectos deste artista foron as escenas históricas e os interiores arquitectónicos.