Muñoz, Jano

Alejandro Muñoz López (A Coruña, 1971). A súa formación iníciase na Escola de Artes Pablo Picasso da Coruña marchándose a Barcelona despois da súa graduación. Instálase máis tarde en Madrid e despois regresa a Galicia. Durante estes anos realiza exposicións e viaxes a cidades como o Cairo, Roma ou Chicago, cidades que quedarán reflectidas nas súas obras como tamén quedará a cidade da Coruña, que se converte en protagonista das súas vistas urbanas. Realiza unha obra cunha linguaxe clásica dentro da dimensión do contemporáneo, o hiperrealismo, e cun ton moi persoal a través dun cromatismo sobrio de cores ocres e grises.