Sargadelos

Case un século máis tarde do peche da Real Fábrica de louza de Sargadelos (1875), na década de 1960, grazas á iniciativa de dous artistas galegos, Isaac Díaz Pardo e Luís Seoane, púxose en marcha un proxecto recuperador dirixido polo Laboratorio de Formas de Galicia e o Seminario de Estudos Cerámicos. En 1970 créase a Fábrica de Cerámica de Sargadelos nas proximidades do primitivo recinto. En 1972, a pedimento do Laboratorio de Formas de Galicia, o Ministerio de Educación e Ciencia declarou Conxunto Histórico Artístico o antigo complexo industrial creado por Antonio Raimundo Ibáñez no século XIX.Fonte consultada:Penas Moreda, Teresa (1997): Cerámica de Sargadelos (1901-1908). Cadernos do Seminario de Sargadelos, 74, Sada, Ediciós do Castro.