Abanico

Abanico plegable con varillaje (19 + 2) de madeira e papel. A fonte, de tipo esqueleto, é de madeira marrón escura lacada e non posúe decoración algunha. As gardas son lisas e unicamente decóranse o a parte do guardapulgar cunha fina peza de óso ou marfil. O país é dobre, de papel. No anverso, na parte central aparece unha escena clásica, na que se presentan catro figuras humanas e unha arquitectura clásica enmarcadas nunha paisaxe. Esta escena está realizada mediante a técnica cromolitográfica e enmárcase aos laterais por zonas máis escuras que axudan, xunto ás orlas vexetais douradas a enxalzar o tema central. No reverso aparecen tres pequenas orlas de motivos vexetais estampadas en cor dourada e pequenas flores e follas pintadas con gouache. O ribete é unha liña contínua de papel que morde o país por ambas as caras. A argola é de latón, o clavillo de metal dourado e a virola de metal dourado. Voo: 150 °.