Muller con neno

Formado na Escola Superior de Belas Artes de San Fernando en Madrid, a súa amizade co escultor Francisco Asorey foi decisiva para a súa dedicación posterior á plástica e aos estudos de Anatomía Artística. O tema preferido de Felipe Criado é o mundo feminino. Así, neste óleo, a figura feminina aparece representada na súa faceta de nai, establecendo con ela unha relación de harmonía e equilibrio. Para isto, utiliza unha serie de recursos que serán constantes na súa obra, como o dominio da liña marcando volumes e movemento, a utilización de tons pastel e a súa pincelada rápida e solta.