Porta de Aires

Vista urbana na que se poden ver os restos da antiga muralla da Coruña e a Porta de Aires. Nunha esquina vese a unha muller sentada e ao fondo, dispóñense os tellados das casas. A denominación de Porta dos Aires deriva do intento de voadura por parte do exército inglés desta parte da murallas (no ano 1589), para lograr a súa entrada na cidade. Un ano despois da realización deste debuxo, o 19 de Setembro de 1859, por acordo do Concello derrúbase a súa bóveda para alargar a vía que por ela daba comunicación entre a cidade vella e a nova. Un ano máis tarde produciríase á total demolición. Na casa situada ao fondo residiu a pintora coruñesa Dolores Díaz Baliño.