Xinete Azul

Álvaro Delgado é un destacado representante da liña expresionista da pintura española e da Escola de Madrid, que aglutinou no período de posguerra a un grupo de novos pintores que se converterían no referente da vangarda española daqueles anos. A súa breve experiencia na segunda Escola de Vallecas, xunto co período de formación á beira de Vázquez Díaz, o interese que espertaron nel o sintetismo de Cézanne e a obra de Picasso, son os responsables da súa introdución á modernidade. Os bodegóns, a paisaxe e o retrato son os xéneros aos que se dedicou co seu maior empeño. Coa monocromía do ton azul de Xinete Azul fai exercicio de grafismo puro, de espontaneidade expresiva deixando que a liña se desenvolva libremente.