Picasso branco no recordo azul. Debuxando o futuro

O Museo de Belas Artes da Coruña publica o catálogo da exposición "Picasso branco no recordo azul. Debuxando o futuro", que promoveu a Xunta de Galicia co motivo do 50º aniversario da morte de Pablo Picasso o 8 de abril de 2023, e no marco da Celebración Picasso 1973-2023 organizada conxuntamente polo Estado español e o Estado francés nos principais museos das cidades picassianas,

A exposición “Picasso branco no recordo azul. Debuxando o futuro” tivo lugar no Museo de Belas Artes da Coruña entre o 23 de marzo e o 25 de xuño de 2023. Foi comisariada por X. Antón Castro, Malén Gual Pascual e Rubén Ventureira, baixo a coordinación xeral de Angeles Penas Truque, directora do Museo de Belas Artes da Coruña, xunto co equipo técnico do museo.

Picasso iniciou a súa formación académica e asumiu a súa condición de artista na Coruña, onde viviu entre 1891 e 1895. El mesmo consideraba que a súa infancia e primeira adolescencia foran cruciais para chegar a ser o que foi. O catálogo analiza o carácter iniciático dos seus fundamentos estéticos no período coruñés e como estes trascenderon ao futuro, poñendo de manifesto as débedas que o prolífico creador ten con aquela etapa.

Estrutúrase en dez capítulos que obedecen a referencias de orde temática, conceptual ou de linguaxe: Academia e clasicismo: xénese do fauno e o home do cordeiro -- Realismos, paisaxe e etnografía -- Caricatura e nacemento da conciencia crítica -- Poéticas de autoafirmación: retrato e autorretrato -- Picasso escribe -- A arte nunca é casta. Erotismo -- Cubismos-- Grandes mestres -- Mosqueteiros -- O pintor e o seu modelo.

Artigos no catálogo:

• Unha innovadora proposta expositiva acerca do período coruñés do artista / Angeles Penas Truque.
• Picasso branco no recordo azul: debuxando o futuro / Antón Castro, Malén Gual, Rubén Ventureira. 
• A lección de debuxo / Elena Pardo Antequera . 
• Unha nova primeira crítica / Elena Pardo Antequera e Rubén Ventureira.
• Picasso e A Coruña. A novela do neno maravillado / Eduard Vallés . 
• A Coruña: o nacemento da paisaxe / Johan Popelard. 
• Caricatura e nacemento da conciencia crítica / X. Antón Castro. 
• Picasso. Retratos e autorretratos. A pintura é a realidade / Aitor Quiney. 
• Lembranzas coruñesas de Picasso contadas pola súa filla Maya. 
• Picasso e os seus periódicos coruñeses: albores da ciencia do furto / Rubén Ventureira e Xosé Crisanto Gándara Eiroa. 
• A biografía de Picasso nunca é casta / Laurence Madeline. 
• Ao Faro: o cubismo e A Coruña / Pepe Karmel. 
• A gaita cubista / Xosé Crisanto Gándara Eiroa. 
• En diálogo coa tradición / Malén Gual. 
• Pulsión creadora e parodia nas imaxes do pintor e o seu modelo / Salvador Haro González. 
• A última maneira: os mosqueteiros / Reyes Jiménez. 
• As idades de Picasso / Rafael Inglada. 

A edición presenta o texto paralelo en galego e castelán, coa traducción en inglés ao final.