Seguindo a súa intencionalidade social, esta serie de gravados reflicte as loitas estudantís que tiveron lugar en Arxentina durante os anos sesenta. Un
enfrontamento entre estudantes e policías que monopolizaron as noticias daquel momento, espertando o interese e os recordos de Luís Seoane sobre
os seus anos de estudante en Compostela, durante os anos trinta.

O conxunto reúne nove  xilografías monocromas sen título que recollen diferentes situacións acaecidas durante as protestas.

Ediciones Cuco-Rei, Bos Aires-A Coruña, 1972