O Museo de Belas Artes da Coruña celebra o Día Internacional do Libro 2021

dialibro

 

MUSEO DE BELAS ARTES DA CORUÑA CELEBRA O DIA INTERNACIONAL DO LIBRO 2021

O día 23 de abril celébrase o  “Día Internacional do Libro” e o Museo de Belas Artes da Coruña ofrece as seguintes actividades e recursos en liña:

 

·BIBLIOTECA DO MUSEO

A Biblioteca do Museo de Belas Artes da Coruña ofrece a siguiente programación en liña:

Lectura en liña do catálogo da actual exposición temporal Vestir épocas. 1860-1960. A Colección Ana González-Moro”

O catálogo da exposición Vestir Épocas. 1860-1960. A Colección Ana González-Moro no Museo de Belas Artes da Coruña, que se presentou en formato impreso o pasado 26 de febreiro de 2021, agora poderá consultarse tamén a texto completo en liña.

Lee aquí o catálogo

Exposición bibliográfica en liña de libros sobre moda

Mostra bibliográfica cunha selección dos títulos relacionados coa moda, o traxe e a indumentaria presentes no fondo da biblioteca do Museo de Belas Artes, realizada con motivo da exposición temporal “Vestir épocas. 1860-1960” no museo.

http://bit.ly/BibliotecaMuseo_VestirEpocas

Bookcrossing virtual conxunto coas Bibliotecas de Museos e centros de arte de toda España

Participamos na  campaña conxunta de liberación de libros ou bookcrossing, organizada desde fai quince anos pola  Biblioteca-Centro de Documentación do Documentación do Artium, Centro-Museo Vasco de Arte Contemporáneo de Vitoria-Gasteiz. Nesta ocasión e por segundo ano consecutivo, compartiremos de maneira virtual algunha das publicacións ou coleccións das institucións participantes Este ano o Museo de Belas Artes da Coruña participa co catálogo da actual exposición temporal “Vestir épocas. 1860-1960”.

Video: https://www.youtube.com/watch?v=ec2o6U80F00

 

·DEPARTAMENTO DE EDUCACIÓN

#Correspondencias. Ficcións

Aproveitando que esta semana é o Día do Libro lanzamos unha nova proposta do proxecto educativo #Correspondencias na que traballaremos coa escritura. Nesta actividade chamada Ficcións propoñémosvos crear unha narración partindo dunha obra da colección do Museo de Belas Artes da Coruña.

Podedes ver o vídeo de presentación da actividade a través do seguinte enlace: http://bit.ly/correspondencias_ficcions

E descargar a proposta didáctica aquí: https://bit.ly/3ekfT0C

Se queredes compartir connosco os vosos traballos, enviádeos preferentemente antes do 21 de maio a través do correo electrónico: mu.belas.artes.difusion@xunta.gal ou ben etiquetándonos en Instragram como  @museo.belas.artes.coruna.