OS TEMAS DA ARTE. O significado dos obxectos
CURSO NO MUSEO. OS TEMAS DA ARTE
O SIGNIFICADO DOS OBXETOS
Profesoras: Ana Ulloa e Sonsoles Ortiz de Urbino
Sede: Salón de actos do Museo de Belas Artes da Coruña
Datas: Martes, do 25 de abril ao 13 de xuñode 2017
Hora: 12:00h a 13:00h
Colabora: Amigos do Museo e Deputación da Coruña
Matrícula: 15,00 € (Amigos Museo: 12,00€)
Ao longo do curso afondaremos na importancia do obxecto artístico como espello da realidade e dialogaremos cos obxectos que aparecen nas pinturas e esculturas facendo fincapé na súa iconografía, simboloxía e significados ocultos. Elementos que cómpre coñecer para descifrar e entender a mensaxe que o artista quere comunicar tanto en obras de temática relixiosa, mitolóxica, costumista ou retratos. Moitas veces o obxecto será clave para identificar os distintos personaxes xa sexan deuses, santos ou figuras alegóricas. O obxecto pode ser tamén protagonista da pintura como no caso do bodegón ou da natureza morta, para constatar que tamén pode ser unha metáfora da realidade e un reflexo da sociedade na que se desenvolve.
O curso rematará coa visita á propia colección permanentedo museo. A partir do cadro de Frans Franken II, O gabinete do coleccionista, aproximarémonos tamén ao tema do coleccionismo onde o obxecto volve ser o foco de atención.
RESERVA DE PRAZA*:. Desde esta web (premer aquí). Por correo electrónico: mu.belas.artes.difusion@xunta.gal. Chamando ao museo, tlf: 881 881 700 (horario de luns a venres de 10:00 a 14:00)*NOTA: Prazas limitadas, por rigurosa orde de inscrición. Antes de realizar o pago da matrícula, o interesado deberá esperar a que se lle confirme a reserva de praza para poder facer o ingreso na conta que se lle comunicará nese intre. As datas do curso poderían sufrir modificacións por cuestións alleas á organización.