Olmos Mesa, Elena

Elena Olmos Mesa (A Coruña, 1899-Buenos Aires, 1983). Filla do cónsul de Arxentina na Coruña, Manuel Olmos de Aguilera, inicia os seus estudos de debuxo e pintura na Coruña, viaxa aos Países Baixos e trasládase despois a Madrid, onde recibe clases de Sotomayor e Manuel Benedito. Participa nas Exposicións Rexionais de 1917 e 1923, así como na mostra inaugural, unicamente feminina, da Asociación de Artistas da Coruña en 1935. Cunha traxectoria especializada en tipos e figuras neerlandesas e galegas, pero cun claro interese polo retrato das mulleres da burguesía. Ao estalar a Guerra civil exíliase co seu marido Leandro Pita Romero en Buenos Aires ata o seu falecemento.