Pérez de Castro, Pedro

Madrid
-
1823
Madrid
-
1902

Pedro Pérez de Castro y Brito (Madrid,1823 - 1902). Compaxinou a carreira diplomática coa pintura. O máis expresivo da súa obra encádrase entre o romanticismo e o realismo, dentro dun gusto pola paisaxe que avanza e gaña terreo a medida que penetramos na segunda metade do século  XIX. Diplomático e personaxe da corte, onde traballou durante anos como Mordomo de Semana, o seu romanticismo pictórico relaciónase co da corte de Isabel II e o seu realismo coa moderada asimilación que se fixo da estética realista nos medios académicos españois a partir de 1860. No ronsel do romanticismo inglés, coñecedor das súas técnicas á acuarela e de estampaxe, haberíase de encadrar Pérez de Castro na súa primeira etapa, tendo ocasión de aprendelas directamente en Inglaterra onde, parece ser, que as estudou a idade temperá. En 1840, con 17 anos, ingresa na Carreira Diplomática, sendo o seu primeiro destino, en 1844, a  Legación de España en Londres.

Desenvolvería a técnica da acuarela en luminosas paisaxes, e sería un dos  introductores da técnica renovada en España antes de 1850. O seu cultivo tería unha importancia decisiva na modernización da pintura española e da paisaxe en especial xa que moitos dos estudos preparatorios faríanse nesta técnica. Na súa obra aparece ese interese que se dará repetidamente, pola visión topográfica do tema, concentrándose nos detalles estruturais ou decorativos que logran identificar perfectamente o visualizado. Posteriormente é destinado como agregado diplomático á Embaixada de España en Roma e despois chega a España definitivamente.

O seu delicado estado de saúde faille residir en varios balnearios, como algúns do País Vasco ou o de Granada. O naturalismo nas súas obras reafírmase definitamente no seu contacto con Segovia, segue pintando do natural pero vólvese máis espontáneo. Pérez de Castro utilizou o óleo en menor medida que a acuarela e destaca tamén a súa faceta como  litógrafio. Xunto co seu irmán Mariano, Coronel do Corpo de Artillería e tamén  llitógrafo que dirixe as revistas A Gaceta Militar e o Mundo Militar, desenvolve unha actividade como litógrafo da que xurdirán, entre outros, o Álbum de paisaxes e vistas de España ou o Álbum da guerra de África.

Outras obras do/a autor/a neste museo

  • Acción del día 30 de Noviembre (#4266 - Estampa - Papel - Litografía)
  • Acueducto de Segovia (#1357 - Pintura - Papel - Acuarela)
  • Alhama de Granada (#1354 - Pintura - Papel - Acuarela)
  • Caseríos de Alzola (#1350 - Pintura - Papel - Acuarela)
  • Ermita de San Antolín. Alzola (#1349 - Pintura - Papel - Acuarela)
  • La Granja (#1339 - Pintura - Papel - Acuarela)
  • La Granja (#1346 - Pintura - Papel - Acuarela)
  • Paisaje inglés (#1343 - Pintura - Papel - Acuarela)
  • Paisaje romántico (#887 - Pintura - Papel - Acuarela)
  • Pórtico (#1337 - Pintura - Papel, Tinta - Acuarela)
  • Posición de los moros sobre el Boquete de Anghera (#4271 - Estampa - Papel - Litografía)
  • Puente de Izurza en Lequeitio (#1355 - Pintura - Papel, Tinta - Acuarela)
  • Santurce cerca de Portugalete (#1359 - Pintura - Papel - Acuarela)
  • Segovia desde la Ermita de La Caridad (#1358 - Pintura - Papel - Acuarela)
  • Vista de las lagunas de Tetuán (#4272 - Estampa - Papel - Litografía)
  • Vista general de la ciudad de Tetuán (#4267 - Estampa - Papel - Litografía)
  • Vista general del campamento y Sierra de Bullones (#4270 - Estampa - Papel - Litografía)