Roberts, David

Edimburgo (Escocia)
-
1796
Londres
-
1864

David Roberts (Stockbridge, Edimburgo, Escocia, 1796 - Londres, 1864). Aos 12 anos abandona a escola e entra a traballar como aprendiz no taller do pintor Gavin Beugo dedicándose fundamentalmente á decoración de mansións. Foi unha etapa moi dura da súa vida xa que era o encargado de abrir a tenda de madrugada. A pesar disto continúa coa súa formación lendo unha cantidade inxente de libros e debuxando. Desta etapa é o seu primeiro cadro, que trata a batalla de Trafalgar.

Tras sete anos deixa o taller e comeza a traballar como pintor de escenografía nunha compañía itinerante, metade circo e metade teatro. Continúa pintando e agora a base do seu traballo serán todas aquelas paisaxes, edificios, etc. que observa nas súas viaxes coa compañía itinerante. De 1816 a 1830 dedícase de cheo á escenografía, traballando nos teatros máis importantes de Escocia e Inglaterra. É aquí cando mellora a técnica, pule estilo e adquire un sentido da perspectiva. Entre tanto, en 1820 casa con Margaret, actriz probablemente, coa que ten unha filla, Christine. Instalado en Londres, a partir de 1823 compaxina o traballo nos teatros cunha serie de viaxes polo continente. Empeza a ser recoñecido como pintor xa que o desafogo económico permítelle a dedicación á pintura. É un dos primeiros membros da Society of British Artist onde se exhiben cadros das súas citadas viaxes polo continente e será tamén neste momento cando se expoña o seu primeiro cadro na Royal Academy. A partir de 1830 dedícase de cheo á pintura baixo o mecenado de Lord Northwick. Tan só un ano máis tarde noméano presidente da Society of British Artist.

A finais de 1832 decide realizar unha viaxe por España, visitando as cidades de Madrid, Córdoba, Granada, Málaga e Sevilla entre outras. En setembro do ano seguinte o cólera, que estalara en Europa e ameazaba desde Portugal, chega finalmente á capital andaluza o que fai a Roberts partir a finais de mes. Chega a Falmouth o 22 de outubro e co seu matrimonio roto decide recoller á súa filla e fixar a súa residencia en Londres. Exhibe os seus cadros e desenvolve unha actividade frenética os primeiros meses despois da súa chegada realizando numerosos cadros por encargo baseados nos bosquexos da súa viaxe por España. Continúa realizando cadros baseados nos temas españois, expoñendo en museos e galerías e facendo viaxes tanto dentro como fóra das illas.

En 1838 Roberts acomete a empresa de visitar Egipto, Terra Santa e Siria co fin de realizar debuxos e bosquexos dos monumentos e vistas máis importantes destes lugares. A súa viaxe durou once meses e regresou con 272 bosquexos, unha panorama do Cairo e tres cadernos de bosquexos. Durante unha decena de anos é a súa base de traballo. Independentemente dos óleos, acuarelas, etc. fíxose unha importante serie de litografías destes lugares. Foi durante os anos 1842 e 1849 cando se publican seis volumes de litografías baixo o título The Holy Land, Syria, Idumea, Arabia, Egypt and Nubia. Son un total de 247 litografías realizadas por Louis Hages e cuxo editor foi Francis G. Moon. Morre o 25 de novembro de 1864 por un ataque de apoplexía aos sesenta e oito anos de idade. 

Obras do/a autor/a

Outras obras do/a autor/a neste museo

  • Ashdad (#5321 - Estampa - Papel - Litografía)
  • Banks of The Jordan (#5322 - Estampa - Papel - Litografía)
  • Beit Jibrin (#5326 - Estampa - Papel - Litografía)
  • Bethlehem (#5304 - Estampa - Papel - Litografía)
  • Chapel of the Convent of St. Catherine on Moun Sinai (#5315 - Estampa - Papel - Litografía)
  • Christian Church of St George at Lud ancient, Lydda (#5324 - Estampa - Papel - Litografía)
  • Church of San Miguel Xeres (#5298 - Estampa - Papel - Litografía)
  • Church of St. Helene. Bethlehem (#5305 - Estampa - Papel - Litografía)
  • Convent of St. Saba (#5308 - Estampa - Papel - Litografía)
  • Convent of the Terra Santa. Nazareth. (#5311 - Estampa - Papel - Litografía)
  • Crypt of the Holy Sepulcre. Jerusalem. (#5307 - Estampa - Papel - Litografía)
  • Descent upon the valley of the Jordan (#5306 - Estampa - Papel - Litografía)
  • Encampment of Pilegrins, Jericho (#5332 - Estampa - Papel - Litografía)
  • Entrance to Nablous (#5320 - Estampa - Papel - Litografía)
  • Entrance to The Tombs of The Kings. Jerusalem (#5316 - Estampa - Papel - Litografía)
  • Holy Land, Syria, Idumea, Arabia, Egypt and Nubia (#5325 - Estampa - Papel - Litografía)
  • Jericho (#5303 - Estampa - Papel - Litografía)
  • Jerusalem from the Mount of Olives (#5299 - Estampa - Papel - Litografía)
  • Jerusalem from the Road Leadino to Bethany (#5309 - Estampa - Papel - Litografía)
  • Luay at Suez (#5330 - Estampa - Papel - Litografía)
  • Mount Calvary (#5300 - Estampa - Papel - Litografía)
  • Mount Seir (#5333 - Estampa - Papel - Litografía)
  • Nazareth (#5312 - Estampa - Papel - Litografía)
  • Picturesque sketches in Spain (Portada); Entrance to the Chapel of Ferdinand & Isabella (#5296 - Estampa - Papel - Litografía)
  • Port of Tyre (#5328 - Estampa - Papel - Litografía)
  • Ramla ancient Arimathea (#5327 - Estampa - Papel - Litografía)
  • Ruins of The Church of St. John, Sabaste. (#5317 - Estampa - Papel - Litografía)
  • Semua (#5323 - Estampa - Papel - Litografía)
  • The Catedral Sevilla (#5297 - Estampa - Papel - Litografía)
  • The Convent of St. Catherine Mount Sinai (#5313 - Estampa - Papel - Litografía)
  • Tiberias (#5314 - Estampa - Papel - Litografía)
  • Tomb of Aaron, Summit of Mount Hor (#5334 - Estampa - Papel - Litografía)
  • Tomb of Joseph at Shechem (#5318 - Estampa - Papel - Litografía)
  • Tower Pool of Jiloam / Valley of Jehoshaphat (#5331 - Estampa - Papel - Litografía)
  • Town of Tibarius looking towards Libanon (#5319 - Estampa - Papel - Litografía)
  • Wells of Moses Wildernefs of Tyh (#5329 - Estampa - Papel - Litografía)