Abanico

Abanico plegable con varillaje (19 + 2) de madeira, gasa e papel. No anverso, a fonte está calada, lacada en negro e pintada con motivos vexetais e florais en diversos tons. O reverso non posúe decoración pictórica. As gardas están lacadas en negro e pintadas no extremo superior con motivos vexetais e florais. O país é dobre, no anverso, se intercala o papel pintado con témpera con motivos florais e a gasa de cor marrón que está a delimitar contornos con formas vexetais mediante pequenas aplicacións de abelorios redondos, en orixe, de cor dourada. O reverso é de gasa cor marrón, sen ningún tipo de decoración. O ribete no anverso, é un fío cor marfil a modo de pasamanería. O clavillo e a virola probablemente fosen de metal prateado, na actualidade están oxidados. Voo: 160°.