Bodegón

A medida que avanza na súa investigación pictórica, González Pascual traballa cada vez máis na recreación de obxectos da vida cotiá pintados do natural mediante unha concepción intimista, para o que recorre á simplificación, a mostrar a aparencia real do obxecto e descontextualizarlo á vez, conseguindo crear un ambiente estático. Esta obra pertence á etapa creativa do autor que abarca desde 1977 ata 1993, ciñéndose a unha primeira fase, na que dominan os fondos escuros, que irá aclarando progresivamente na segunda fase. Aquí o pintor, nunha equilibrada composición frontal, dispón sobre a austeridade dunha mesa unha fonte de louza acompañada dun mantel de Camariñas. A intensa luz dirixida lateralmente permítelle realizar un estudo dos efectos tenebristas, logrando o espazo, as calidades táctiles e o volume das formas.