Cabrito

Figura dun cabrito branco na que os trazos da cara están reproducidos por medio de incisións. O modelo orixinal desta peza foi deseñado por Castelao, activo colaborador da fábrica Cerámica Celta xunto con outros artistas como Francisco Asorey, José María Acuña ou Carlos Maside que achegaron deseños e bosquexos. A figura inspírase nunha pequena escultura do artista alemán Willy Zügel que alcanzou fama polas súas esculturas de animais realizadas a pequena escala. Castelao coñeceu os seus traballo durante a viaxe que realiza a Bélxica, Francia e Alemaña en 1921. A figura do cabrito foi usada tamén por Castelao como motivo para a ilustración gráfica.