Dona Xoana "a Tola"

A figura de dona Xoana está sentada, ten a cabeza cuberta por unhas tocas e leva un manto sobre os ombreiros. Coa mirada perdida, mira a unha das súas donas que está de pé xunto a ela. No ángulo superior esquerdo aparece un apuntamento da cabeza da princesa na mesma posición.

Trátase dun estudo da figura da princesa Xoana de Castela, preparatorio para o lenzo Dona Xoana "a Tola" nos adarves do Castelo da Mota, pintado por Rosales en 1873 e que deixou inconcluso á súa morte. Segundo o coñecido episodio que narra o cadro esbozado por Rosales, este debuxo ilustra o momento en que a princesa, abandona os seus aposentos no inverno, só vestida con roupa lixeira e sen consentir poñerse a resgardo.